Sàbadu 20 passadu,  in IRGOLI, amus dadu su "Prèmiu PINTORE de Giornalismu in sardu", editzione 2014, pro artìculos in sardu Lsc chi ant a èssere publicados in EJA 16, a Ànghelu CANU de Lodè, Lisandru BECCU de Silanos, Màuru PIREDDA de Bànari. A cada premiadu ant a èssere dados finas 200 €.

In s'ocasione, ant faeddadu Giuanne Porcu (sìndigu de Irgoli chi at dadu su patronadu a su Prèmiu) , Diegu Corràine (Papiros, ideadore e organizadore), sos autores, Càrminu Pintore, Mimmo Bove (autore de su sìmbulu de su Prèmiu).
Custa segunda editzione est istada una die galana e de importu pro sa modernidade e vitalidade de su sardu, in caminu dae s'oralidade a s'iscritura, dae sos dialetos a sa norma unitària e a s' ufitzialidade.