Partecipa a IlMarghine.net

Sei già registrato?

Accedi con e-mail e password

Sos candidados a sa Presidèntzia: 1) Pedru Frantziscu Devias

Candidadu dae su Fronte indipendentista unidu

Condividi su:

Pedru Frantziscu Devias, nàschidu in Nùgoro su 30 de abrile de su 1974, est su candidadu de su Fronte indipendentista unidu pro sa presidèntzia de sa Regione.
Laureadu in filosofia in s'Universidade de Tàtari, faghet atividade polìtica indipendentista dae paritzos annos. A su presente est in su diretivu natzionale de sa formatzione comunista-indipendentista A Manca pro s'Indipendèntzia.
Su Fronte naschet, a pustis de s'assemblea cunvocada s'8 de cabudanni de s'annu coladu in Ilartzi, cun s'obietivu de aunire totus sos indipendentistas de Sardigna. Dae tando, pro mèdiu de unas cantas assembleas territoriales, su Fronte at detzisu de fraigare su programma iscurtende sas propostas chi beniant “dae bassu”. Su Fiu at finas dèvidu collire sas firmas pro pòdere partetzipare a custa eletziones. Pro Devias e sos de su Fronte sa Sardigna at a èssere indipendente dae s'Itàlia pro mèdiu de unu referendum, ma in antis de totu si devet fraigare unu movimentu populare pro difèndere e conchistare sos diritos de sos sardos.
Cale diant èssere custos diritos? Tocat de pompiare su programma de su Fiu: amparu de s'agricoltura e de sa pastorìtzia; controllos prus severos a sa grande distributzione e a sos produtos alimentares e a sos animales chi arribant dae mare; indùstria cumpatìbile; sistema de sos trasportos e de su crèditu controllados dae sos sardos; democratzia energètica; turismu de calidade; sanidade pro sas comunidades sardas; impreos tzìvicos e gherra a sas bases militares; amparu de s'ambiente, de sa limba e de sa cultura sarda.
Su Fronte si presentat cun una lista ebbia.

Condividi su:

Seguici su Facebook