S’ASSOCIAZIONE PRO LOCO DE SILANUS bandidi su “PREMIU ‘E POESIA SARDA SANTU PORTOLU-MARIEDDU MASALA DE SILANUS”

REGULAMENTU

A su cuncursu “PREMIU ‘E POESIA SARDA SANTU PORTOLU-MARIEDDU MASALA DE SILANUS”, sunt amittidas a partecipare tottus sas operas mai pubblicadas, mai premiadas in atteros cuncursos, iscrittas in limba sarda in cale si siat variante.

1. Su cuncursu contat tres sezione:

     - una setzione de poesia in rima

     - una setzione de poesia a versu liberu

     -  una setzione ispeciale riservada a sos alunnos de sas iscolas elementares e medias de Silanus.

2. Onzi poeta si podet presentare pro una setzione ebbìa e cun d’un’opera ebbìa.

3. Sas operas podent faeddare de cale si siat cosa, bastet chi non siant prus longas de 50 versos. S’aggradat un’ispiegatzione de faeddos o peraulas antigas non prus in usu.

4. Sas operas, iscrittas a computer in follios A4 cherent presentadas in 8 coppias e sinzadas cun d’unu pedrannumene o muttu.

5. Nomene, sambinadu, pedrannumene, indirizzu, numer’e telefono, indirizzu de posta elettronica deppent essere costoidos intro de una busta bene serrada chi che cheret posta intro de una segunda busta paris a s’opera. Toccat de b’iscriere pro cale setzione si cheret partecipare. S’opera podet essere presentada finzas in d’unu CD postu intro de una busta bene serrada.

6. Sas operas in cuncursu ant a essere giudicadas dae una cummissione titulada e chirrada dae sa Pro Loco chi hat assignare su 1° -2° -3° premiu pro setzione cun mentziones e signalatziones. Su zudissiu de sa cummissione est unu ebbìa e sena appellu perunu.

7. Sas operas premiadas NON sunt vinculadas a perunu dirittu de autore e abbarrant de propriedade de sa Pro loco chi las podet usare pro cale si siat iscopu culturale. Sas operas non premiadas ant a essere pubblicadas e abbarant de propriedade de sos poetas.

Sas operas che cherent mandadas a su segretariu de sa Pro loco intro e no a pustis de su 30 de GIUGNO 2016 ( faghet fide su trimbu postale).

Sos binchidores de sas duas setziones han a benner jamados in tempus pro sa die ‘e sa festa de sa premiazione .

Su valore de sos premios assignados hant essere su matessi pro sas duas setziones.

In sa setzione ispeciale benit premiadu su primu de onzi classe ( premiu de seberare dae parte de sa Pro Loco).

Sas operas premiadas benint regortas in d’unu liberu chi ‘enit pubblicadu sa die de sa festa ‘e premiazione de s’annu in fattu. Si su poeta ‘inchidore no est presente a sa festa de sa premiazione perdet su premiu ma li ch’enit mandadu s’attestadu e su liberu de sas operas. Cun sa partecipazione a su cuncursu s’atzettant sas regulas iscrittas in custu regulamentu, pena s’esclusione.

Sas operas che cherent mandadas cun “Posta Prioritaria” (no raccumandada) a: CORONGIU PIERO – Segretario Pro Loco Silanus- Via Stazione 11, 08017, Silanus (NU) COCCO CHIARA Via Molise 17, 08017, Silanus (NU).